C'est pourquoy l'on dit encore en
commun prouerbe, il est asseure comme vn meurtrier. Ce privilege de
deliurance ne doit estre accorde aux larrons.--Saint Ouen successeur de
S. Romain, Chancelier dudit Roy d'Agobert viron l'an 655, impetra ce
priuilege: dont ie n'en deduiray en plus oultre les causes, pour ce
qu'elles sont assez communes et notoires, et feray seulement cest
aduertissement, qu'il y a danger que messieurs les Ecclesiastiques le
perdent, acause qu il s'y commet le plus souuent des abus, par ce qu'il
se doit donner en cas pitoyable et non par authorite ou faueurs de
seigneurs, comme aussi ne se doit estendre, sinon a ceux qui sont
trouuez actuellement prisonniers sans fraude, et non a ceux qui s'y
rendent le soir precedent comme estans asseurez d'obtenir ce priuilege,
combien qu'ils ayent commis tous crimes execrables et indignes d'un tel
pardon, voire et que les Ecclesiastiques n'ayent eu loisir d'avoir veu
et bien examinez leur procez. Aussi ce beau priuilege est enfraint en ce
que ceux qui l'obtiennent doiuent assister par sept annees suiuantes aux
processions au tour de la Fierte S.
Pages:
167
168
169
170
171
172
173
174
175
176
177
178
179
180
181
182
183
184
185
186
187
188
189
190
191