Argumento esse possit Imperatorum
benignitas erga nostros: quibus regendas etiam provincias committebant,
omni sacrificandi metu eos liberantes ob singularem, qua in religionem
nostram affecti erant, benevolentiam._ And a little after: _Jam vero quis
innumerabilem hominum quotidie ad fidem Christi confugientium turbam, quis
numerum ecclesiarum in singulis urbibus, quis illustres populorum concursus
in aedibus sacris, cumulate possit describere? Quo factum est, ut priscis
aedificiis jam non contenti, in singulis urbibus spatiosas ab ipsis
fundamentis exstruerent ecclesias. Atque haec progressii temporis
increscentia, & quotidie in majus & melius proficiscentia, nec livor ullus
atterere, nec malignitas daemonis fascinare, nec hominum insidiae prohibere
unquam potuerunt, quamdiu omnipotentis Dei dextra populum suum, utpote tali
dignum praesidio, texit atque custodiit. Sed cum ex nimia libertate in
negligentiam ac desidiam prolapsi essemus; cum alter alteri invidere atque
obtrectare caepisset; cum inter nos quasi bella intestina gereremus, verbis,
tanquam armis quibusdam hastisque, nos mutuo vulnerantes; cum Antistites
adversus Antistites, populi in populos collisi, jurgia ac tumultus
agitarent; denique cum fraus & simulatio ad summum malitiae culmen
adolevisset: tum divina ultio, levi brachio ut solet, integro adhuc
ecclesiae statu, & fidelium turbis libere convenientibus, sensim ac moderate
in nos caepit animadvertere; orsa primum persecutione ab iis qui militabant.
Pages:
235
236
237
238
239
240
241
242
243
244
245
246
247
248
249
250
251
252
253
254
255
256
257
258
259